Цхьан кӏира «Служба 112» яхача моттиго 5875 бахархой дехар тӏаийцар
16.04.2026 15:16
2026-ча шерара бекарга бетта, 9-ча денгара 16-ча денга кхаччалца, бахархошкара 5875 дехар тӏаийца, уж тохкаш хилар ГКУ «Служба 112» яха моттиг. «Сердалога» из хоам бир цу моттигера.
«Бахархошкара мел хинна хаттараш тӏаийца, дӏахо болх дӏахьоргболаш хӏарадар ше-ший оагӏонцарча моттиге дӏа-хьа дахийтад», - дийцар тха газетага. Сиха гӏо деш йолча «112» моттига болхлоша шоай гӏулакхъ боаггӏача боараме дӏахьолга хьагойтад.
Цхьайола моттигаш хӏара минот а лоархӏаме йолаш, ха йоае йиш йоацаш хул, цу гӏулакха чӏоагӏа аьттув болаш ба из оагӏув ший гӏулакх сиха, боаггӏача боараме дӏахьош хиларах.
