Алименташ дӏатела ловш воацача вахархочо 6 бетта ӏаьдала болх бергба
Шолжа-Шахьарера 18 шерга кхачанза долча ший берашта шийгара дӏадоагӏа алименташ дӏатела раьза воаца вахархо бехктокхаме эзар мехка. Из хоам «Сердалога» бир ӏаьдала болхлоша. «Шолжа кхален судо техкар 35 шу даьннача вахархочун гӏулакх. РФ УК 1-ча даькъа 157 ст. бехктокхаме озаш ва из саг. 18 шерга кхачанза долча ший берашта алименташ дӏателаш вац из», - йоах тахан тхога бенача хоамо.
Судо белгалдечох, ший ворхӏ бера алименташ дӏатела дезаш хиннав из, цар 18 шу даллалца. 2025-ча шерарча маьтсела бетта из бахьан долаш бехктокхаме эза хиннав из саг, бакъда цох кхочам ца хулаш; дӏахо а ший берашта эшар, дезар лоаттадеш воацаш; царна терко ца еш лийннав из. Таханарча дийнахьа берашта дӏадала дезаш хьаӏайна латта ахча 800 эзар сом да. Ялх бетта ӏаьдала болх бергба ший декхараш кхоачашде, шийх хьабаьннача дезала терко е ловш воацача цу сага.
