ЦӀи йоаеча болхлоша яхачох, дукхагӀча даькъе цӀи ялара бахьанаш да, цӀи ялара кхерамзлен Ӏалашо яь цахилар, цӀера духьалара бокъонаш наха лораеш цахилар. ВӀалла кӀаьд ца луш, цӀераш йоаераша вай бахархошка хоамаш бд; нах бахача моттигашка, балха, деша болча цар наха хьалхадоах цӀи ялара кхерам болча моттигех лорабалар.

«Нах дукха болча моттигашка, тха болхлоша цӀера кхерамзлен Ӏалашо е езарах дувц, де дезар хьалхадоах. Йокъаенна баьцаш йоагае йиш йоацилга, цу моча моттигашка цӀи ювза кхераме долга, хӀаьта шашлыкаш дара йола моттигаш лаьрххӀа хьакъоастаяь хилар белгалду», - аьлар ГӀалгӀай Республике гӀолла йолча Россе ПРГУ, УНД болх лелабара административни даькъа воккхагӀа волча тохкамхочо Оздой Руслана.