Дӏадахача кӏира дукхагӏа хилар ЦУРе тӏалатта дехараш
07.09.2026 12:01
Дӏадахача кӏира мехкарча бахархошкара 111 дехар тӏаийцар ЦУРа болхлоша. Цул хьалхарча кӏирага хьежача, 5% дукхагӏа хул уж. «Сердалога» из хоам бера цу моттигера. Муниципальни моттигашкара тӏалатташ дар дукхагӏа дола хоамаш.
Магӏалбик эггара лакхерча мугӏаре эттар цу гӏулакхе – 34 хоам (31%); шоллагӏча, кхоалагӏча моттигашка эттар Наьсаре, Шолжа-Шахьар – шинна шахьарера 26 хоам кхаьчаб (23%).
Наха эггара чӏоагӏагӏа къувлараш ЖКХ оагӏонца дувзаденна да – 64% юкъарча боарамгара (71 хоам), шоллагӏа моттиг токаца дувзаденнараша дӏалоац – 17% (19 хоам). Бахархошкара массадола хоамаш теркалдаьд, хӏара моттигах йолча министерстве дӏахьожадаьд, кхоачамбоацараш юстардоахаргдолаш.
