ДӀадахача кӀира 422 дехар кхаьчад ЦУРе
25.09.2024 15:15
ДӀадахача кӀира республикерча ЦУРе 422 дехар кхаьчар. Хьалха хинначунга хьежача, 114 дехар кӀезигагӀа хул из.
Эггара хьалхарча мугӀаре латт ЖКХ оагӀонца дувзаденна дехараш (255). Наькъашца дувзаденнараш кӀезиглуш латт (44). Бахача моттигашкара доазонаш тоадарца дувзаденнараш - 21, газаца дувзаденнараш - 13. ТӀехьарчунца дувзаденнараш дукхагӀа хилар кхерам ба, шелал хьаэттача.
ХӀара дехар ший даькъ тӀарча моттигашка дӀа-хьа дахьийтад ЦУРа.