ДӀадахача кӀира ГӀалгӀайче цӀи яьнна 28 моттиг хилар
22.07.2024 14:12
ДӀадахача кӀира, 28-зза цӀи йоае баха бийзар цу гӀулакха тӀарча болхлой, цига 15 саг кӀалхарваьккхар, цӀи яьнначара араваьккхар 5 саг; иштта кхозза наькъа хьовзам хиннача а бахар, яхаш, дийцар «Сердало» газетага чоалханерча хьалашта духьаллаттарий зарбан болх лелабераша.
Ишта дале а, хин моттигашка, ара йӀовхал латтар аьнна доацаш, сатеме я, чоалхене хьал а эттадац.
«ДӀадахача кӀира тха болхлоша нахаца цӀи ялара кхерамзлен Ӏалашо еш бола болх дӀабихьар 250 саг чулоацаш, де дезар царна хьалхадоаккхаш», - аьлар ГӀалгӀай Республике гӀолла йолча Россе МЧС ГУ.
