Саг лочкъаваь хинна зуламхо Ӏаьдало лаьцар
2025-ча шера бӀаьстан тӀехьарча бетта 10-ча дийнахьа, шоашца герз долаш тӀабаьхка, саг лочкъаварах бехке вола 28 шу даьнна Магаса вахархо лаьцар Ӏаьдало. Герз юкъекхувлаш, саг дӀавахьарах дола гӀулакх тохкаш, бехкебараш гучабоахаш ба республикера Россе СУ СК тохкама оагӀон болхлой.
Ӏаьдала болхлоша белгалдечох, ялх сагах латтача тоабо Яндарерча кхача бохкача тика юхера, герз юкъекхувлаш, дӀавихьар саг. Бакъда сиха оарцагӀбаьннача тохкама болхлоша, криминалисташа, йоккха юкъ ялале, цхьа зуламхо гучаваьккхар.
Укх бетта 10-ча дийнахьа Наьсарен кхален тохкам беча моттиге Ӏочувигав из. Саг лочкъаварах долча зуламах из бехктокхаме озаргволаш, каьхат чулургда суде. Цул совгӀа, лочкъаваь хинна саг вола моттиг гучаяьлар, дегӀа маьженаш лозаяь хиларах, Наьсарерча дарбанче Ӏочувига, дарба деш да цунна.
Из доккха зулам ма дарра тохкаш, цу юкъе хинна кхыбола зуламхой гучабоахаш, болх дӀахьош ба тахан МВД болхлой. Республикерча Россе СК тохкама оагӀон кулгалхочо, ше тӀахьожам беш, дӀахьош да из гӀулакх.
