«СССР нийсархой» яха гойтам хургба ГӏалгӀайче
Аьтинга бетта 6-ча дийнахьа, ГӏалгӀай Республикан Паччахьалкхен исбахьален искусствай музее хьабийллар «СССРа нийсархой» яха советски искусствай гойтам, яхаш, дийцар «Сердало» газетага цу моттиге.
«Экспозице вӀашагӀтох 40 живописа, графика балхаш, уж хьакхеллад тайп-тайпарча ханашка советски суртанчаша. Цига гуш дола деррига кхоллама балхаш ГӀР ГМИИ хьаделар Паччахьалкхен музейшкарча гойтамий «РОСИЗО» центро – из я мехка йоккхагӀчарех цаӏ йола цу тайпара гойтамаш ду моттиг, цо лораю Россе исбахьален тӀехьале», - аьлар гойтамах болча хоамо.
Говзанчий сурташка хьажа баьхкача наха гойтаргда цу ханара дицлургдоаца хьал: къахьегама денош, шахьарийи юртийи вахар, цу ханашка баьхача наьха портреташ, иштта дувц хозача Ӏаламах, латтача ханах, Даьхен культуран мах барех.
«СССРа нийсархой» яхача гойтаме таро я советски ханашка хинна исбахьален оагӀонаш йовза, цу ханашка нах мишта хиннаб ха, искусствога гӀолла довза вай мехка мах бараш, цун таронаш.
Гойтаме ва йиш я аьтинга бетта 6-ча дийнахьа укх адресах: Илдарха-Гӏала, В.-Г Джабагиева урам, 139.
