Чакхдаьлар «Турпалхочун никъ» яхача СВО доакъашхой программан хьалхара дакъа
ГIалгIай Республике чаккхе йир «Турпалхочун никъ» яхача мехка программан хьалхарча даькъа, из лаьрхIа яр лаьрххIача операце доакъашхой профессиональни оагIорахьа дегIабоалабара, уж республикан Iаьдала моттигашка юкъебахара. Балха кхетаче дIайихьар ГIалгIай Республикан Кулгалхочун, Паччахьалкхен Администраце кулгалхочо Мархенаькъан Анзора кулгал деш. Из хоам «Сердало» газетага ГIалгIайчен Кулгалхочун, Паччахьалкхен зарбан болх лелабераша бир.
«Турпалхочун никъ» яха программа ГIалгIайчен кулгалхочо Келаматанаькъан Махьмуд-Iаьлас тIадиллача декхарах вIашагIъеллай, из я «Турпалхой ха» яхача федеральни проектах тара. Из лаьрхIа я тахан Даьхе лораеш латтача вай бIухой дешара кеп, царна карагIдоалар довзара, ма хулла цар таронаш хьаелларца ювзаенна», - аьлар хоамо.
Хьалхара дакъа дика дIадихьадар, хIаьта тов бетта 16-ча дийнахьа дIайолаелар цун шоллагIа йола оагIув. Доакъашхоша дIаболабир из болх, цо царна таро лургья кIоаргагIа бовза паччахьалкхен гIулакха тIара болх. Цига ма хулла дукхагIа йовзаргья, цар кулгалдара даькъ тIара болх дIабахьара таронаш»,-аьлар Мархенаькъан Анзора.
Администраце кулгалхочо яхачох, цу тайпара из хьал дIахьош хиларо юкъеяккха таро лу СВО доакъашхой мах бола говзал Iаьдала органий балха, дIахо республикан пайда луш из хургйолаш.
