«Низ - маӀанца» яхача дешара программан, шоллагӀа ди йистедаьлар
Кулгалдеш болча болхлошта йолча «Низ маӀанца» яхача дешара программан шоллагӀа ди чакхдаьлар. Бизнес дӀаяхьарца дувзаденнараш Ӏомаде, довза ловш бола тайп-тайпарча моттигашкара болхлой бар цига дакъа лоацаш.
Проекташта юкъе AӀ-технологеш йоалаярца дувзаденнача лоархӀамедарех, дийцар Къамашта юкъерча Ломоносова Клуба говзанчаша. Пайдане хургйола проекташ кхолла, хӀетта хьаяьнна технологеш юкъейоалаяр лоархӀаме долга белгалдир клуба доакъашхо волча Свинцов Семена.
«Тахан латтача хана, пайдане, дика хургйола проекташ кхоллача AӀ- оагӀох пайда эца беза. ХӀанз хьаяьннача технологешца дӀабахьа беза НКО проекташ йоаржаеш бола болх. Из аттачахьа баккхар дац дувцар, боаггӀача боараме, беркате хургболча тайпара дӀабахьар да» ,- белгалдир Свинцов Семена.
«Низ - маӀанца» яха дешара программа къамий гӀулакхех болча (ФАДН) федеральни оагӀоно, Россе къамий ЦӀено хьаллоацаш дӀахьош я. Цо хьагойт, тахан латтача хана, из болх мел лоархӀаме ба.
