Лакхе ногӏар доалла аьшка кӏопилг корайир Лохера Пхьуй яхача гӏалай юрта
Лохера Пхьуй яхача гӏалай юрта болх дӏахьош боахкача археологашта, лакхе ногӏар доаллаш йола аьшка кӏопилг корайир. Из хоам «Сердалога» бера «Тӏехьале» яхача тӏоговзанчий Ишкола зарбан болх лелаберашкара.
«2024-2025-ча шерашка болх дӏахьош хиннача археологашта № 2 йолча гӏала чура корайир революционер хиннача Орджоникидзе Сергойца бувзам бола из хӏама. Кор доаллача моттиге кхерашта юкъе дикка къайлаяьккха яьллай кӏопилг. Дикка цӏенъяь, хьажачул тӏехьагӏа гучадаьлар, из 19-ча бӏаьшерен ингалсий тепчан даьттадеттарг йолга.
Лоаман гӏала чу из мишта кхаьчай, маца лелаяьй тохкаш ба цу оагӏонцара говзанчаш», - дийцар «Сердалога». Сурташ даьха, паспорт хьадаь дӏахо ӏилман оагӏонца хьожаш ба цун исторега.
«Тӏехьале» яхача ишкола чӏоагӏа лоархӏаме я уж хӏамаш, хӏана аьлча вай къаман истори, гӏалашка баьхарий вахар довзийт цар.
