Интернета оагӏонца нацизм могаеш хиннар бехктокхаме эзар
Интернета оагӏонца къамаш къестадар хьаллоацаш къамаьл даь 31 шу даьнна республикан вахархо бехктокхаме озаш ба мехка. РФ УК 2-ча даькъа 354.1 ст. бехк бу цунна судо. Бокъо йоацаш дола хӏамаш доаржадаьд цо интернете.
«Мехкарча тохкама оагӏон болхлоша белгалдечох, 2025-ча шера маьтсела бетта Долакха-Юртарча вахархочо интернета цхьан оагӏонца фишистски Германена хьалха лаьттачо къамаш къестадеш, кхыча наха духьала къизал йоаржаяр хьаллоацаш, фашизма гӏулакхаш нийса лоархӏаш, шийна хетар яздаьд. Из бахьан долаш шин шера набахта валла ха техар цунна, цул совгӏа 3 шера интернета оагӏонашка цхьаккха хӏама язде йиш йоацаш бокъо а йийхкар», - йоах «Сердалога» мехкарча Тохкама комитетера бенача хоамо.
Къамаш къестадар, кхыча наха духьала къизал йоаржаяр бакъдеш, хьаллоацаш хӏама яздарах бахархой лорабеш ба мехкарча тохкама оагӏонца. Цу юкъе чудода из хӏама нийса хеташ яздаь моллагӏа дош, наха юкъе доаржадар, из дӏа-хьа тувсар.
Ӏаьдала болхлоша хьалхадоаккх, цу гӏулакхах бехктокхаме озилга. Бокъонаш лораеш, ше моллагӏа хӏама яздалехь, хила тарлучун уйла еш хилар дех бахархошка.
