Корта бохабу малар менна, машин хехкаш лийннар суде кхаьчав
03.07.2026 16:49
Корта бохабеча маларах волаш, машина тӏа хайна паргӏатта дӏа-хьа ухаш лийннар боаггӏача боараме бехктокхаме озаргва мехка. Из хоам «Сердалога» бир МВД зарбан болх лелабераша.
Тхога бенача хоамах, 50 шу даьнна, хьалхагӏа ишттача хьале волаш машинаца араваларах каьхаташ дӏадаьха хинна вахархо укх шера бекарга бетта 17-ча дийнахьа юха а дӏалаьцар ӏаьдало, корта бохабеча маларах волаш араваларах.
Буро кӏалха соцавир из «Лада-210740» машинаца Россе Наьсарен кхален ДПС болхлоша. РФ УК 1-ча даькъа 264.1 ст. бехктокхаме озаргва из ӏаьдало (корта бохабеча маларах волаш машинаца араваларах, хьалхагӏа из бахьан долаш бехктокхаме эза хиннаволлашехь).Магаса кхален суде тохкаш да цун гӏулакх.
