Бокъо йоацаш герз леладаьчун дош, судо дувцаргда
11.08.2026 11:18
54 шу даьннача мехкахочун гӏулакх тохкаш, болх дӏабихьар мехкарча прокурора гӏончас. УК РФ 1-ча даькъа 222 ст. (бокъо йоацаш герз леладар) бехктокхаме озаш ва из саг. «Сердалога» из хоам бера ӏаьдала болхлошкара.
Белгалдечох, 16-ча калибра «Мушкет» яха топ лелаяьй цо, Эбарга-Юрта ше вахача цӏагӏа. Баллистически экспертизага диллача, топ лертӏача хьале йолаш я.
2024-ча шера тов бетта, цу сага цӏагӏа чухьежача Россе вай мехкарча УФСБ болхлошта корайир дӏайилла улла топ.
Шолжа кхален суде тохкаш латт из гӏулакх тахан. ӏаьдала бокъонга диллача, набахта валла 5 шу ха тохаш гӏулакх да из.
