16 калибра «ИЖ» яха ший даь-дас лелаяь топ ӏаьдалга дӏаелар мехкахочо
30.03.2026 09:40
Чарахьал деш лелаяь топ дӏачуелар полице болхлочунга Шолжа кхале. Из хоам «Сердалога» бир мехкарча МВД.
«Россе МВД «ОП Гӏажарий-Юрт» яхача «Шолжа кхала» МО оагӏон полице болхлочо бахархошца къамаьл деш кхетаче дӏайихьачул тӏехьагӏа, 2019-ча шера вахар хаьдача ший даь-дас чарахьал деш лелаяь «ИЖ» 16 калибра топ дӏачуяла лаьрхӏар цхьан вахархочо», - йоах МВД бенача хоамо.
Бокъо йоацаш цӏагӏа леладеш дола герз ӏаьдалга дӏачудала аьттув болга хьалхадоаккх МВД болхлоша бахархошта. Ахча луш, иштта ший лоӏаме из хӏама дарах ӏаьдало баркал оалаш, гӏулакх да из. Полицега хоам бича, цо хьааргда эггара хьалха фу де деза.
