Интернете гӏолла чархаш эца гӏийрта Гӏалгӏайчен вахархо ӏехавир зуламхочо
31.08.2026 19:13
Гӏалгӏайчен Шолжа кхалера вахархо ӏехавир интернет-жуккарга; автомобила чархаш йохкаш ва ше, аьнна. Цунна вай мехкахочо ахча дӏадахьийтар, «Лада Веста» яхача машина чархаш, дискаш дохкаш ва ше аларах, цул тӏехьагӏа «дохкархо» кхы бувзаме валанзар. Шийна цо тийшаболх баьлга кхетадаьчул тӏехьагӏа, из маӏа саг вера, лоткъам бахьаш, моттигерча полице.
«Сердало» газетага, Гӏалгӏайче гӏолла йолча Россе МВД ма аллара, малав ца ховча сагах тешарах, цунна 35 000 сома зе хилар.
Хӏанз из гӏулакх полице болхлоша тохкаш да. Республикан МВД вай бахархошка кхайкарал ду, интернете гӏолла тийшаболх лелабу, цудухьа кхы хӏама ма эца малав ца ховча сагагара, е цу наха ахчаш дӏа а ма кхахьийта. Нагахьа шоашта цу тайпара хӏама нийслойя, полицега сиха хоам бе.
