Магӏалбика вахархо, карара кхувса дӏандарг лелаярах, жоп дала дезаш хургва
19.06.2026 16:37
Магӏалбика вахархочун жоп дала дезаргда, цо ше вахача цӏагӏа карара кхувса дӏандарг лелаярах, яхаш, хоам бу «Сердало» газетага ГӏР Прокуратуре.
Гӏалгӏай Республикан Магӏалбика судо бехке ву 30 шу даьнна моттигера вахархо РФ УК 1 д. 222.1 ст. (бокъо йоацаш эккхаш дола герз леладарах).
Судо белгалдир, цу сага 2026 шера саькура бетта 6-ча дийнахьа из герз ийца хилар, цул тӏехьагӏа гучадаьлар из, Россе УФСБ болхлоша хьем боаццаш тохкама болх дӏахьош. Из саг вахача цӏагӏа ӏаьдал чухьежар. Судо дӏабихьача балха чаккхе еш, из лаьца чувеллар, 6 шу набахтен ха техар, цул совгӏа 20 эзар сома гӏод а техар, ӏаьдала болча пайдана.
