Наьсарен вахархочо жоп лургда наьха хӏама дохадарах
30.06.2026 11:58
Наьсарен вахархочо закона хьалхашка жоп лургда, дикка зе а деш, наьха доалахьардар дохадарах, яхаш, дийцар «Сердало» газетага мехка тӏахьожама болхлоша.
Наьсарен прокуратуро чӏоагӏдир бехк беш дола, 29 шу даьннача моттигерча вахархочун духьалара уголовни гӏулакх. Из саг суда хьалхашка оттаргва, 2025 шера маьцхали бетта 14-ча бус, «Коталон Аллея» оалача парке волаш, «газель» марка машинаца, лаьрххӏа берий электрически автомобилаш йохаярах. Цо дикка зе даьд шахьара 64 шу даьннача вахархочунна.
