Алхастера бахархой латкъаш ба, юкъара транспорт цахилара
Гӏалгӏайчен сага бокъонех волча Викала, иштта республикан прокурора гӏончас, республикан Шолжа кхале нах тӏаэцача хана, дийцар вахара хаттар. ӏаьдала викалаш болча ера Алхасте яха кхалсаг, шийна къувлаш дола дош дахьаш. Из дар сайрийна транспорт болх беш цахилар. Из къаьстта хала да сайрийна балхара е дешара чубоагӏача наха, цар наькъа транспорт лохаш дукха ахча доаде дезаш хул.
«Гӏалгӏайчен Шолжа кхален прокуратура тӏадиллача декхарах, цу хьалашка хьежар. Белгалдир, «Шолже-Оалкам», иштта «Шолже - Алхасте» маршруташ лелара тӏахьожам лоаттабир «Ингуштранспорта» - «Шолжерча АТП» ООО.
Тӏахьожама болх дӏахьош Шолжа кхален прокуратуро «Ингуштранспорт» ООО кулгалхочунна хьалхадаьккхад нах а мухь а дӏакхахьара юкъе нийслуш дола кхоачамбоацараш юстардаха, аьнна. Уж кхоачашдара а тӏахьожам лоаттабергба», - аьлар «Сердало» газетага ГӏР УПЧ хоамий- аналитически даькъ тӏа.
Шолжа кхален гаьна ядача юрташка баха нах сатувсаш ба уж хаттараш кастлуш кхоачашдарга. Каст-каста транспорт лелаш цахилар бахархой вахара ӏаткъаш да.
