Маьтсела беттацарча салоӏача деношка кийчо еш ба тахан бахархой
Кхоккха ди долаш шозза доагӏача маьтсела беттацарча салоӏача деношка кийчо еш, шоай кхоачашде дезача гӏулакхий къоастам беш ба тахан мехкахой.
«Бӏаьстен, къахьегама цӏайца дӏаболалу керда бутт – хьалхарча кхаь дийнахьа салоӏаш хургда вай. Цунга хьежжа, бекарга беттацара тӏеххьара кӏира лоаца хургда. Дӏахо, маьтсела бетта 9-ча денгара 11-ча денга кхаччалца а салаӏа йиш йолаш да Коталон Ди дездеш хиларца», - белгалду къахьегама гӏулакхех йолча министерствос ший Телеграм-оагӏон тӏа.
Маьтсела бетта денош хьаэттача, бахархой дукха хӏама хул цӏагӏа, коа, бешамашка лостам бе безаш. Дӏа-хьа хьежача гуш хул, бӏаьстен тӏеххьарча бетта йӏовхалца арабаьнна нах даггара шоай хьаӏайна лаьтта гӏулакхаш кхоачашде гӏерташ хулилга.
Къаьстта дукха хьоалчагӏаш хул цу бетта, балха баха цабезараш а гӏадбахе, гаргара нах болча дӏа-хьа аха болалу.
