Гӏалгӏайчен бахархоша дакъа лоацаргда, Доккха этнографически диктант яздеча
Лайчилла бетта 3-ча денгара 12-ча денга кхаччалца Халкъашта юкъера «Доккха этнографически диктант» яздергда, цига дакъа лаца бех Гӏалгӏайчен бахархой. Из боккха дешара болам ба, цо таро лу Россе къамий исторех, меттаех, ӏадатех лаьца шийна фу хов хьажа онлайн - кепара, иштта шоаш тӏаболаш из болх дӏахьоча моттигашка.
«Сердало» газетага ма аллара, карарча шера яздеш йола тема хургья Россе къамий цхьоагӏон Шу хиларца ювзаенна. Из диктант белгалдоалаш да хаттарий цхьа дакъа бахархоша шоаш яздеш хиларца, цу юкъе СВО доакъашхой а болаш.
Тов бетта 30-ча дийнахьа, проекта лаьрххӏача сайта тӏа дехараш хьаийдеш да дикагӏа дола хаттар белгалдара. Эггара дикагӏа дола хаттар чаккхен бланкаш тӏа кхоачаргда, цох совгӏат а лургда.
Цун чаккхе ергья оагӏой бетта 12-ча дийнахьа, Россе Конституце Ди долаш.
