Гӏалгӏайчен бахархой дакъа лоацаш хургба, болх лоаттаберий Ерригроссийски хьал довзара юкъе
2026 шера тушола бетта 1-ча денгара бекарга бетта 30 денга кхаччалца мехка болх лоаттабераш дакъа лаца йиш йолаш ба 2027-2033 шерашка къахьегамхой эшаш хилара хьал вӏашагӏдоллача, яхаш, дийцар ГӏР къахьегама Министерстве.
«Хаттарий оагӏув дӏахьош я «Россера болх» яхача даькъ тӏа. Цун маӏан - малагӏа говзанчаш, масса саг эшаш хургва республикан экономике хьатӏадоагӏача шерашка белгалдар», - йоах хоамо.
Цунга хьежжа хургда, колледжашка, вузашка деша оттара дола хьал а. Иштта цо таро лу тайп-тайпарча балхаш тӏа эшаш бола нах кийчбе, цар балха говзал лакхъе, царех лерттӏа говзанчаш бе.
Гӏалгӏайче из болх вӏашагӏболлаш я, Гӏалгӏай Республикан къахьегама, вахара дегӏаахара Министерство. Цу гӏулакха юкъе дика дакъа лацара дола эшар да: майдан тӏа дӏаязвала везар ва моттига кулгалхо, чӏоагӏдаьча йоазон хьисапе, УКЭПаца Госуслугашка гӏолла.
Дукхагӏа а нийсагӏа а болх лоаттаберашкара хоамаш мел хул - цо къахьегама даькъ тӏа доккхагӏа дакъа лаца таро хулийт.
