Шахьара куц мишта хилча бакъахьа да белгалду наьсархоша
Шахьара куц тоадарах йолча федеральни программага гӏолла дӏахьош долча ерригача Россе хоржамашка дакъа лоацаш ба тахан, Наьсарера 15 эзар совгӏа бахархой. 2027-ча шера эггара хьалхарча оагӏонца тоае еза моттигаш белгалъеш бола болх ба из.
«Бахархой цу гӏулакха дикка теркам беш хиларах, массехк шахьарера моттиг юкъейихьай цу программанна. Царех я Наьсар-Кертера Левобережни оала моттиг, гӏаш леларашта лаьрхӏа никъ булларгбола Мутаӏаланаькъан цӏерах бола урам, Малсаганаькъан Кӏарцхала цӏерах йолча парка духьала тоае лерхӏа сквер, иштта 105 оалача моттигера боккха болх дӏахьош тоабе лерхӏа Нови оала урам», - дийцар «Сердалога» мехкарча Паччахьалкхене.
Куц хувца деза моттигаш къоастаеча хоржамашта юкъе дакъа лоацаш хиларо хьагойт бахархошта шоаш баха шахьар езилга, цун гӏулакх тоаде гӏертилга. Из хьаллоацаш бола бахархой хӏара денна дукхагӏа ба Наьсаре.
