Судо дош нийса дийцадац, аьнна, УПЧ леткъар вай мехкахо
Магаса яхархочунгара лоткъам кхаьчар УПЧ фусаме. Йоалаца дувзаденнараш къоастадеш судо харцахьа, ца боаггӏача тайпара соцам баьб ший гӏулакха, из бахьан долаш шийна тахан тӏалаттар дукха йоал я, яхаш, ба кхалсага лоткъам.
«Лоткъамхочо белгалдечох, 2020-ча шера Гӏажарий-Юртарча цӏенца, лаьттанца бувзабенна бартчӏоагӏам оттабаьб цо. Цу балха мах 970 хиннаб, бокъонга диллача цох йоал тела езаш хилац. Бакъда, цунга хьежжа доацаш, 280 эзар сома совгӏа йоал я цунна тахан тӏалаттар.
Судага гӏолла болх дӏабихьачул тӏехьагӏа, деррига чоалхане дийрзад, банковски карташца цхьаккха болх дӏабахьа аьттув бац, пенсеш, пособеш тӏера дӏакхухьаш латт. Цул совгӏа, суде гӏолла из гӏулакх къоастадаьлгах хоам а баьбац цунга», - дийцар «Сердалога» УПЧ.
Магаса яхархочун лоткъамах тохкама болх дӏаболабир сага бокъонех волча викала. Судо дийцар бокъонга хьежжа юха дувцийтар, кхалсага тӏера бокъо йоацаш хьатеха йоал дӏаяккхийтар.
Цу оагӏонцарча болхлоша шоаш белгалдир, цунна тӏалатташ хӏама дац, аьнна. Харцахьа ахча хьатохар мишта нийсденнад тохкаш ба цига. УПЧ ший болх лакхача боараме дӏахьолга хьгойташ да из гӏулакх.
