Гӏалгӏайчен яхархочунна кхел ергья, вахара гӏонна луча ахчанца куташ лелаярах
Гӏалгӏайчен суда хьалхашка оттаргья, 49 шу даьнна моттигера яхархо. Из бехке ю вахара оагӏорахьара луча ахчанца харцонаш лелаярах. Илдарха-Гӏалан СКР тохкамхочо чакхбаьккхар РФ УК 3 д. 159.2 ст. уголовни гӏулакх тохкаш баь болх, цо гулдир эшаш мел хинна тешалаш.
«Тохкама болхлоша яхачох, 2020 шера, аьтинга бетта из хилар дуккха декхараш кхоачашдеча моттига центре яха, цига чуделар цо вахар хьаллоацаш дола ахчан дола дехар. Цо чуденнад харцахьара каьхаташ, цул тӏехьагӏа цунна 400 эзар сома сертификат хьаделар, из цо шийна бакъахьа хеттача тайпара дӏахьожадир», - аьлар «Сердало» газетага Гӏалгӏайчен тохкама комитете.
Из гӏулакх тохкаш эшаш мел дола тешалаш гулдир, цо баь тийшаболх гучабаккха таро луш. Гӏалгӏайчен экономически полице дӏабихьача оперативно-тохкама балха гучадаьннача зуламерча гӏулакха материалаш дӏаяхьийтар тӏеххьара хоадам беча судага.
