Гӏалгӏайчен яхархо харцахьа тешал даьча гӏулакха юкъе нийсъеннай
Наьсарен полице болхлоша гучадаьккхар, къоал даьд аьнна кхалсага яздаь дехар харцахьа хилар.
Бокъонаш лораераша дӏабихьача балха гучадаьлар, ювцача кхалсага, шийна ховшшехь а, цӏагӏа лелаю техника, кӏаьда мебель йихьай, аьнна, харцахьара тешал деш, шийна вовзаш волча сага духьала дехар яздаь хилар. Цо цу тӏа белгалду, шийна 186 эзар сом зе хилар.
«Сердало» газетага, Гӏалгӏайче гӏолла йолча Россе МВД зарбан болх лелабераша ма аллара, кхалсаг ше гучаяьнначул тӏехьагӏа юхаера, ше цу сагах доацар аьнна хилар тӏаийцар цо.
Цо лелабеча тийшача балхах Россе Уголовни кодекса 306 статьях зулам даьрг я из (хьалххе а вӏашагӏбелла тийшаболх). Хӏанз уголовни гӏулакх хьаделлара, из дӏахо тохкаш да.
Полице белгалду, цу тайпара дехараш яздарах, уголовни гӏулакх хьаделлаш хилар. Из цу наха шоашта духьала хиларал совгӏа, цар ӏаьдала болхлой ха зехьа йоаю.