Шийна цӏа эца наьна ахча хьадалийта аьттув баьлар мехкарча яхархочун
Сурхо тӏара яхархо ера сага бокъонех вола викал волча латкъа. Цо дийцачох, укх шера аьтинга бетта денз, ший цӏа тоадергдолаш бер дарах нанна доагӏаш дола ахча хьаэца гӏерташ къахьегаш я из, бакъда Россе Волгоградски областа Вахара ганза болхлоша из гӏулакх дӏачакхдалийтац.
«Сердалога» УПЧ дийцачох, каьхаташ тӏа фусамах дар боаггӏача боараме белгалдаьдац, яхаш, къоабалдеш дац из цигарча болхлоша. Бакъда, кхалсага ше дувцачох, эца гӏерта цӏа ваха йиш йолаш да, аьнна, моттигерча администраце каьхат юкъеделлача а гӏулакх меттагӏдоалаш дац. Сага бокъонех волча викала Россе Вахара ганза болхлошка гӏолла хьатехкар из. Хӏама тахка эттача, гучадаьлар дехар чуденначо цхьан юкъа ши цӏа ийцалга, СФР из дӏатӏаэцаш хиннадац юххьанца каьхат цхьа цӏа эца чуденна хиларах.
Наьсарен кхален администраце болхлой оарцагӏбаьха, меттадоаладе аьттув баьлар из гӏулакх. Деррига кхыча тайпара хийцача, Вахара ганзе дӏатӏаийцар дехар. Таханарча дийнахьа цӏа дехкача сага цӏерах дӏатӏадахийтад 963 243 сом ахча. Сага бокъонех вола викал оарцагӏваьнна, меттаоттайир кхалсага бокъонаш.
