Сага бокъонех волча викалга гӏолла, ший берашта ахча хьадоладалийта аьттув баьлар мехкарча яхархочун
10.08.2026 16:05
Диъ бер кхоабаш йола мехкахо латкъа ера, сага бокъонех вола викал волча. Хьалхагӏа хӏара бетта пособи ийдеш хиннад цун бераш, бакъда сецачул тӏехьагӏа, из юха хьадоладайта вӏаштӏехьа ца доалаш, хала кхест из.
«Сердалога» мехкарча УПЧ беча хоамах, цар Россе Вахара оагӏонцарча гӏулакхех йолча ганзага гӏолла хьатехкар из гӏулакх. Гучадаьлар, каьхаташцара болх чакхбоаккхача хана, берий да дӏаязвеш гӏалат нийсденна хиннилга.
Деррига хила деззача тайпара тоадаь, хийца каьхаташ дӏачуденначул тӏехьагӏа пособи хьадолалургда, аьнна, соцам бир СФР. Кхалсага хӏара бера 17 269 сом (100%) пособи хьахьожадир цигара.
