Гӏалгӏайчен яхархочун пенси меттаоттадир, прокуратура юкъееначул тӏехьагӏа
Магас-Шахьара прокуратуро тӏахьожама болх дӏабихьар 69 шу даьннача кхалсага кхайкаралах. Цо хоам бир ший бокъонаш телхаеш хиларах. Тӏахьожама болх баьчул тӏехьагӏа гучадаьлар, цун пенсионни бокъонаш толхаяь хилар. Къоанала цунна луш дола пенси бокъо йоацаш ӏодаьккхадар. Из нийсделар 2023 шера наджгоанцхой бетта.
«Пенси ӏодаккхара бахьан хилар, хьалха цу кхалсага болх баьча моттигера балха алапи тӏадола справка нийса цахилар. Кхалсага оагӏув лаьца, прокуратуро суде исковой дехар дӏачуделар», - аьлар «Сердало» газетага Гӏалгӏайчен прокуратуре.
Судо, ма дарра хьаллаьцар тӏахьожама викалий иска дехар. Прокуратура юкъеярах, пенсерча кхалсага бокъонаш меттаоттайир. Цунна хьаделар хьалха хиннача боарамах пенси, соцадаь лаьттар а долаш из хилар 240 эзар сом.
