Пособешца тийшаболх лелабаь кхалсаг бехктокхаме озаргья
08.09.2026 23:37
Боккха тийшаболх кхостабаь 53 шу даьнна яхархо бехктокхаме озаргья мехка. Илдарха-ГIалий тIарча моттигерча СКР РФ УК 3-ча даькъа 159.2 ст. бехктокхаме озаш я из. Тохкамхоша белгалдечох, бокъо йоацаш Iаьдалгара ахча ийцад цо.
«2020-ча шерарча саькура бетта каьхаташ чуденнад цо, Iаьдалгара ахча эца, бакъда каьхаташ бух боацаш хиннад. 400 эзар сом ахча да цо, Iаьдала болхлой Iехабаь, хьаийцар. Ахча ший дега ма тов дехкад цо.
Тохкама оагIон болхлоша из тийшаболх гучабоаккхаш дикка къахьийгад. Карарча хана судага дIакхаьчад из гIулакх, цар тохкам беш», - йоах «Сердалога» мехкарча Тохкама оагIон болхлошкара бенача хоамо.
Россе вай мехкарча МВД экономически кхерамзленах болча оагIон болхлоша кийчдаьчох хьадийллад из гIулакх.
