Психически лазар бахьан долаш, машин лелае бокъо лу каьхаташ дӏадаьхар кхалсагагара
Наькъашкара кхерамзлен хьал лорадара тӏехьа шоай болх дӏахьош хилар мехкарча прокуратуран болхлой. Дӏабихьача тохкамо гучадаьккхар наькъашка леларашта кхерам тоссаш дола цхьа гӏулакх. 51 шу даьнна йола вай мехкара яхархо машин лалла бокъо луш дола каьхат долаш хиннай дегӏаца лазар долаш, «диспансера учёте» латташ. Вешта аьлча, хьаь чу хувцамаш хинна, хьалха санна цо болх ца бар да из.
«Цу тайпара лазар дола саг цхьаккха тайпара машина ко лаца йиш йолаш вац, хӏана аьлча боккха кхерам ба цо наькъ тӏа леларашта юкъе боаржабер.
Бахархой кхерамзлен хьал лорадара тӏехьа Магаса кхален суде чуделар из гӏулакх прокуратуро; могаш йоацача сагага машин лалла бокъо лу каьхаташ ма дита, аьнна», - йоах «Сердалога» кхаьчача хоамо.
Магаса судо хьаллаьцар прокуратуро белгалдер, машин лалла бокъо лу каьхаташ леладе, машин лаллар дийхкар цунна.
