Вай мехкарча кхалсагах дегабуам бу, киберзулам даьд аьнна хеташ
Россе МВД «Магӏалбик» яхача МО Тохкама оаг1он болхлоша гӏулакх хьадийллар мехкарча яхархочоа духьала. РФ УК 3-ча даькъа 272-ча ст. бехке еш я из тахан ӏаьдало (ӏаьдало бокъонца лорабеш бола компьютер чура хоам хувцар, боаржабар бахьан долаш).
«ӏаьдала болхлоша дӏабихьача тохкамо гучадаьккхар, Даби-Юрта яхаш йолча цу кхалсага 2025-ча шера ардара бетта 1-ча дийнахьа денз 2026-ча шера бекарга бетта 2-ча денга кхаччалца, бокъо йоацаш наьха цӏерах болх дӏабихьалга.
Цу сагага ца хоатташ, цунна хӏама ца хайташ, компьютера чугӏолла цу маӏача сага цӏерах мобильни бувзама абонентски номераш дӏаязъяьй цо», - дийцар «Сердалога» мехкарча МВД.
Мехкара араяла йиш йоацаш, бокъо йийхка я из тахан. Из гӏулакх ма дарра тохкаш, къахьегаш ба ӏаьдала болхлой. МВД бахархошка кхайкарал ду; шоай доалахьарча, сага каракхачийта йиш йоацача каьхаташта: СНИЛСа, ИНН - доал деш хила, фийла хила, яхаш.
