100 шу даларца даькъалайийцар Наьсарера яхархо мехка Президента, шахьара мэра
21.02.2025 09:03
100 шу дизар Наьсаре яхача КӀуренаькъан Мухтара Марема. Цу доккхача денца из даькъалайийцар РФ Президента Путин Владимира, шахьара да волча Оздой Руслана.
Балхара тӀеравала аьттув боацаш, ший гӀонча Котиканаькъан Апти дӀавахийтар мэра шийгара салам-моаршал, зизай кӀорап, сомий тускар, иштта Президента даькъалаювцаш дайта каьхат дӀадала аьнна.
РФ Президента яьча денца санна, хьатӀадоагӀача Коталон 80 шу дизара денца а даькъалайийцар вай мехкахо. ЧӀоагӀа дега тоам хинна, гӀадъяха яр Марем.
Белгалде деза, ший яьннача ханага хьежача из дика лелалуш, хоза товш йолга, гӀадвугаш дар из а.
