Ӏаьдала болхлошта духьале яьр бехктокхаме озаргва
22.07.2026 10:45
Ӏаьдала болхлошта духьале еш, корзагӏваьнна кхийстача сага гӏулакх тохкаш хилар мехкарча Тохкама комитета болхлой. РФ УК 2-ча даькъа 318 ст. бехктокхаме озаргва 33 шу даьнна мехкахо. Шоай декхараш кхоачашдеш лаьттача полице болхлой гӏулакх кхерамеча хьале оттадеш, духьале яьй цу сага.
«Тохкама оагӏон болхлоша белгалдечох, 2026-ча шерарча кӏимарса бетта 15-ча дийнахьа, Дошлакъий-Юртарча Алханчуртски оалача ураме шоай болх дӏахьош латтача полице болхлоша шийга каьхаташ хьахьокха аьлча, шинна болхлочунна машин тӏатехай цо.
Цхьаккха эхь, юхь доацача зуламхочо полице болхлой лозабаьб», - дийцар «Сердалога» мехкарча Тохкама оагӏон болхлоша. Зуламхо ӏаьдало ӏочувигав, цун гӏулакх тохкаш ба карарча хана.
