ГӏалгӀайчен вахархочунна, ца доагӀаш, газах ах миллион декхар хьаяздаьд
ГӏалгӀайчен сага бокъонех волча викалга леткъар МагӀалбика кхален вахархо, моттигерча газа болхлоша ше ца вуташ хилар бахьан долаш. Цо дехар дир шийна новкъостал де, ца доагӀаш газах дукха ахча хьатеха хиларах, из да ах миллион сом совгӀа.
Из гӀулакх тохкаш гучадаьлар, хьалхагӀа из дош суде денна хилар, цу хана газа болхлоша дӀадехар нийса доацилга чӀоагӀдаьдар судо.
Иштта судо баь соцам бале а, цу сага дӀадала деза газах дола декхар хувцаденнадац, из хьал хьалхагӀа хиннача тайпара латт.
«Газпром межрегионгаз Наьсаре» ООО бувзаме ваьнна, сага бокъонех волча викало из гӀулакх нийсдар дехаш дола хоам дӀабахьийтар. Цигара хьадайта лаьрххӀа жоп да, цар хувцамаш юкъедаьхад, аьнна. Цу тайпара, ца доагӀаш хьатеха хинна ахча 511 эзар 591 сом деррига цу сага лицевой чота тӀара дӀадаьккхар», - аьлар «Сердало» газетага ГӀР УПЧ хоамий-аналитически даькъ тӀа.
