Мах боацаш Москве дарба дергдолаш, гӀо дир вай мехкахочоа
21.07.2025 21:05
Пхи шу совгӀа йолча хана, сахарни диабет яхача лазарах могаш воацача мехкахочунна Москве дарба де ваха гӀо дир республикерча УПЧ, УнахцӀенон министерствос.
«Тахан аз леладечох гӀойле йолаш дарба хилац сона. Массайолча моттигашка тӀаухаш, гобоахаш лела могашал а яц са. Дехар ду аз, арахьа лерттӀа дарба дергдолча дӀахьожаве со», - аьнна каьхат яздир унахочо сага бокъонех волча викалга. ХӀаьта цо цу гӀулакха Минздрава болхлой оарцагӀбаьхар.
«Москверча НМИЦ эндокринологе дарба де гӀоргволаш, вӀаштӀехьадаьккхар цун гӀулакх унахцӀенон министерствос. Гуйран хьалхара бутт болалуш, Ӏовужавергва из цига», - дийцар «Сердало» газетага республикерча УПЧ.
