Нанна телача ахчан 1 612 сертификат хьаийцад республикерча дезалаша
2024-ча шера Ӏан шоллагӀча беттагара гуйран хьалхарча беттага кхаччалца йолча хана, нанна луча ахчан 1 612 сертификат дӀаийцад вай мехка. Из хоам «Сердалога» бир Мехкадаь, Паччахьалкхен зарбан болх лелабераша. Цу наха юкъерча дукхагӀбараша - 1 431 дезало шоай вахара хьал тоадеш дӀадахийтад из ахча. ГӀалгӀай мехкарча Вахара ганзо цу гӀулакха хьакъоастадаьр 940 млн сом ахча да.
«Бераш долча дезалашта гӀо дар вай мехка лоархӀамеча декхарех хиннад. Наха боккха аьттув луш да тахан нанна луш дола ахча. ХӀетта баха хайшача дезалашта чубаха фусам Ӏалашъе, шоай вахара хьал тоаде чӀоагӀа новкъостал ду цо. Иштта берашка дешийташ дӀадахийта йиш я из ахча», - белгалдир вай Мехкадас цу лоархӀамеча паччахьалкхен программах дувцаш.
Мехкадаь зарбан болх лелабераша белгалдечох, 2 077 дезало сертификаташ дӀаийцад дӀадахача шера. Вахара политиканна юкъе йоккха, белгала моттиг дӀалоацаш да из гӀулакх тахан.
