ГӀалгӀайчен 11 боахамо дегӀаахара йола гранташ хьаэцаргья
ГӀалгӀай мехка чакхбаргба яхьанца бувзабенна болх, дезалий фермашта лаьрхӀа йола гранташ ялар. 11 боахама ахчанца новкъостал дергда, 5-гара 6,3 млн сомага кхоачаш.
Фермераша гойтар бизнес-планаш, цар тӀа хьагойт гранташ лелаяра дола гӀулакхаш. Кхоачашъе лаьрхӀача проекташта юкъе я теплицаш хьалъяр, хьайбай гӀишлош яр, йол лоаттаяра йола моттиг яр, иштта таханарча заман керда оборудовани эцар.
Грант эцаш хилча, цунна чудоагӀаш да керттердар, из да цаӀ хинна а балха моттиг хьакхоллар, шоаш шин шера болх дӀахьош йолча хана.
«Къаьстта цу тайпара хьалаш юкъедаха таро хиларах, наха шоай гӀулакх маьхалдоаккх, кхычарна балха моттигаш а лу. Тхо хьожаш да, фермерий боахамаш дегӀадоаладара эшаш мел дола хьалаш хьакхолларга», - аьлар ГӀалгӀайчен Кулгалхочо.
Белгалду, ГӀалгӀайчен фермераш, боахамаш тайп-тайпара деш долча новкъосталца хьаллоац, ахчанцара новкъостал лоаттаду паччахьалкхен «Юртбоахам дегӀабоалабара, юртбоахама продукци маьхалъяккхара хьал тоадара» яха программа кхоачашъеш.
