Харцар кхерам болча цӀагӀарча 140 сага керда фусамаш лургья
2017-ча шера Ӏан шоллагӀча бетта 1-гӀа ди тӀакхачале, харцар кхерам болча хьале да, аьнна, къоастадаьча цӀеношкара болх дӀахьош ба мехка.
Ер шу йистедалалехь, ишттача хьале долча 31 цӀагӀара 140 саг кхыча фусамашка дӀачувохийтаргва республикерча паччахьалкхено. Мехкадаь паччахьалкхен зарбан болх лелабераша белгалдечох, доазон хьал тоадарах йолча ганзера цу гӀулакха лаьрхӀа 67 млн совгӀа рузкъа къоастадергда. МагӀалбике бахаш бола нах фусамашка дӀанийсбеш, дӀагӀоргда из ахча.
«Наьха вахара, унахцӀенонна кхераме дола хьал ханнахьа довза, нийсде деза. ПаргӀата, кхераме доацача цӀагӀа дӀачубаха Ӏоховшарга дукха сатийсад цар. Вай декхар - наьха вахара хьал аттача даккхар», - аьлар вай Мехкадас, из болх дӀахо а дӀахьоргболаш ба, аьнна, белгалдеш. 2024-ча шера денз, республикера 497 саг, чуӀе пайдана йоацача фусамашкара, кхыча цӀеношка дӀачувахийтав.
