ГӀалгӀай мехка бераш деча цӀагӀа дӀадахача шера малхаваьннав 5 228 керда вахархо
02.01.2025 20:33
Республикан керттерча бераш деча цӀагӀа дӀадахача 2024 шера баьча балха жамӀа дир: укхаза эггара хьалха дуне бӀаргадайра 2 706 кӀаьнкаи 2 522 йиӀигаи. Царна юкъе бар 70 шола баьраш, цхьан дезале кхолха даь бераш нийсделар. Белгалдаккханза даргдац, эттабара наькъаца бераш хьалъийца моттигаш 1 761 хиннилга.
ГӀадвугаш хӀама да, 2023 шерца нийсдича, бераш довш йола моттигаш кӀезигагӀа хилар. Бераш деча цӀагӀара беча хоамо яхачох, из вӀаштӀехьадаьннад лорий говзал лакха хиларах а дуккхача хана толашагӀа долча наькъашца болх беш хиларах а.
