Терроризм яхача зуламах дувцача кхетаче, дакъа лаьцар Долакха-Юртарча 80 спортсмена
30.09.2025 11:31
Терроризм яхача доккхача зулама духьала дӏахьош хиннача кхетаче, дакъа лаца гулвелар Долакха-Юртара 80 совгӏа спортсмен.
Интернета оагӏонашка из во даржаш латтара тӏагӏолла, кхувш латтарашца къамаьл де лаьрхӏар Берий-кагирхой спорта ишколе. Цу чу болх беш волча Гелисханаькъан Тимура, СВО доакъашхочо Шибиланаькъан Беслана, ишколерча тренераша къонабарашта хьалхадаьккхар, интернете гӏолла во доаржадеш болча малашб ца ховча нахаца цхьаккха тайпара бувзам лелабе, цар яхар хьаэца мегаргдоацилга, массахана фийла, хьаькъале хила везилга.
Моллагӏа тешаме доаца хӏама зийча, ӏалаьмате чехка ӏаьдалга хоам бе безилгах дийцар кагирхошка», - йоах тхога бенача хоамо.
