«Ангушт» кIалйисар «Дербента»
В субботу состоялся матч назрановского «Ангушта» против футбольной команды из самого старого города России — Дербента. Футбольный клуб носит то же самое название.
Дукха ха йоацаш, вайцига хьабаьхка хиннача, дербентовцашца ловзаш дика толам баьккхабар вай футболисташа. Цу хана ловзар йистедаьлар, чот 4:0 йолаш. Цхьабакъда, геттара кхыча бесса чаккхе хилар, вай футбольни команда, хьоашалгIа баха ловзача хана. Назрановцаш чухьнахьа биссар чот 2:0 йолаш.
«Ангушт» футбольни командаца ловзарах дагестанций таро хилар, турнирни оагIон тIа, цхьан мугIара лакхагIа совца. ХьалхагIа уж пхелагIча мугIаре бар, хIаьта укх наькъа цар таро хилар, биълагIча мугIаре отта.
«Ангушт» кхы а рейтинга кхоалагIча мугIаре латташ я, 18 очко а йолаш.
Кхетаче дIайихьар, «Нарын-Кала» Дербента столице, ЮФО-СКФО доазон тIа, мехка Хьалхлен фотболах йолча кхоалагIча лиге.
ДIадахьа дезача ловзарах дувцаш, «Ингфутбол. ру» яздаьд: «Назрановцашта лоархIаме да котало яккхар дIахьоргдолча ловзаре, дIахо а турнире керттера хилара». Цхьаькха цхьа таро я из, вай команда моажола бетта ялхлагIча дийнахьа, ростовера «Нахичеван» футбольни команда тIаэцаш, шоаш керттера котало йоккхарг хилар гойтара луш йола.
