ГӀалгӀай къаман
юкъара газет

Новости


Магасе, «Мерседеса» водителгара, цунца хинначунгара 5 грамм клефедрон яьккхар

Магасе, «Мерседеса» водителгара, цунца хинначунгара 5 грамм клефедрон яьккхар

Гӏалгӏайчен столице, Госавтоинспекце болхлоша юхатехар корта бохабу малар менна водитель; иштта цунгара, цунна уллув ваьгӏача пассажирагара пхи грамм наркотикаш хьаяьхар, яхаш, дийцар «Сердало» газетага Гӏалгӏай Республике гӏолла йолча Россе МВД зарбан болх лелабераша.

Из нийсделар «Алмаз 503» полице ха тӏа. Магас-Шахьаре гӏолла йолча Россе МВД ДПС ОГИБДД оагӏон инспектораша соцайир «Мерседес». Цун водитель вар 29 шу даьнна Эбарга-Юрта вахархо. Гуш дар корта бохабаь хилар. Из лорашка чакхвала раьза хиланзар.

Машина каьхаташка хьежача, автоинспектораша теркалдир цхьа хӏама багайолла гӏерташ из хилар. Полице из цунга араэккхийтар, цул тӏехьагӏа гуш хилар из кӏай молха йолга. Экспертизо хьагойтар из синтетически «4-СМС» наркотик йолга (клефедрон) 4,16 грамм.

Иномарка машина чу ваьгӏар вар 32 шу даьнна водитела юртхо, из а вар корта бохабаь. Из саг дӏавигар полице, цунгара а 0,89 грамм йола наркотик корайир, бакъда из а лорашка чакхвала безам болаш вацар.

Дӏахо ховш хилар, «Мерседес» машина водитела йоацилга, цо лорашка чакхвала цатигарах цунгара хьалхагӏа водитела удостоверени дӏадаьккха хилар а (РФ КоАП 1 д. 12.26 ст. ).

Наркотикаш эза вий хьажа лорашка чакхцаваларах (РФ КоАП 6.9 ст.) из пассажир лаьрххӏача моттиге чувеллар. Цунна духьала уголовни гӏулакх хьадийллар (РФ УК 1 д. 228 ст.). Водитель а лаьрххӏа йолча моттиге чувеллар, бокъо йоацаш машина лелаярах (КоАП 2 д. 12.7 ст.). Цунна духьала шин статьях уголовни гӏулакх хьадийллар - наркотикаш лелаярах РФ УК 2 д. 228 ст.), иштта шозлагӏа а менна волаш из машинаца воагӏаш хиларах (РФ УК 1 д. 264.1 ст.).

Зуламхой машин Магасе гӏолла йолча Россе МВД даькъ тӏа дӏаоттайир.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх