В1ашаг1кхетар хилар ростоверча «Локомотив» стадионе, йистедаьлар 2:0 совле фусамдаьшкахьа йолаш.
ХIара ловзара даькъах ростовчанаш цхьацца бургац чуяьккхар. Яхьаш дIайолалушшехьа а хьалхара чот хьайилар цар. Цул тIехьагIа Багданов Романа пенальти яккхар.
Цу тайпара сурт дар ловзара хьалхара дакъа ахангахьа кхаьчача хана а. КIеззиг тIехьагIа ше котхилар гойтар Богданов Романа, 51-гIа минот йодаш баьккхача толамца.
Белгалдаккха деза, вай спортсменаша шоашта могар даьдар шоаш цига бахар доа ца де гIерташ.
Цхьабакъда, арбитра юххера шок тохаро д1ач1оаг1дир, фусамдаьшкахьа 2:0 чот йола совле йолаш, ловзар йистедаьнна хилар.
«Ангушта цатоам хиннаб, эшар бахьан долаш. Из хIанз шозлаг1а эшаш я. Цу ханналца вай команда турнирни таблица тIа хьалха латташ хьайоагIар. Иштта дале а вай футболисташ, хIанз а бац селлара тIехьабуссаш.
25 баллаца хIанз шоллагIча мугIаре ба уж, хьалха латтача прохладнерча «Энергетикал» ши очко мара тIехьа ца буссаш.
АргIанара матч вай футболисташа дIахьоргья аьтинга бетта 17-ча денна дагестанерча «Дербентаца»
