«Къилбаседа Кавказа Россетий» энергетикаш геттара лакха кийчо йолаш ба чоалханеча хьалага
ЧӏоагӀа догӀаш делхарах, хаоттам талхарах «Къилбаседа Кавказа Россетий»– «Ингушэнерго» болхлоша лаьрххӀа кийчо яьй.
Хила йиш йола технологически хатараш дӀадерзаде энергомоттигашка кийча я 28 тоаба, уж ва 78 говзанча.
Энергетикаш хӀанззе а болх бе дӀаболабеннаб: республикан цхьацца йолча юрташка чӏоагӏа догӀаш делхарах нийсденна токацара кхоачамбоацараш юстардоахаш ба «Ингушэнерго» говзанчаш.
Энергетикаша хьалхадоаккх, кхерамзлен техника бокъонаш лорае езаш хилар тока саьргашта (ЛЭП) иштта кхыча энергомоттигашта юхе. Ӏолийга дадача тока саьргашта юхеаха йиш яц 8 метр хиллал мара, е шоаш уж дӀахотта хьажа мегаргдац. Цу гӀулакха хьабеха беза «Ингушэнерго» е МЧСа говзанчаш.
Тока моттигаш йолча юхе хиннача хатарах хоам бе беза лоацача номерах 220 телефона тӀара, е ден-бус мах боацаш болх беш йолча «Россетий» компане телефонах: 8-800-220-0-220.
