«Ингфутболо» беча хоамах, «Ангушта» таро хилар ловзар дIадолалушшехь шозза бургац чуяккха, цу тайпара дIахо паргIатта хилар уж, чотага диллача. Матче чот хьалхаяьккхар ГIазданаькъан Идриса, цул тIехьагIа Iаьленаькъан Бекхана 2:0 чот нисъйир. Хьалхара ловзара юхьиг йистейоалаш, дагестанцаша (селаша) цхьа бургац чуяккхарца ловзар сомадаьккхар.
ВIашагIкхетар юкъекхаьчача хана, из мишта йистедаргда хьогI яха хаттар укхаза отташ а дацар, хIана аьлча, назрановцаш кхозза бургац чуяьккхаяр дагестанерча бутбольни команда коанаIарашка. Iаьленаькъан Бекхана цу матче аргIанара дубль йир, цул тIехьагIа, дагестанерча футболисташа шоай наIаргара бургац юха техар. Бакъда, меттахьа бургац чуйоаккхаш бола тIадам оттабир Пхьарчанаькъан Ахьмада.
«Ангушта» вIаштта ворхIазлагIа котало яьккхар, 21 очко а йолаш, из дIахо йодаш а я Прохладнерча " Энергетика" нийсса. АргIанарча матче, кIимарса бетта 14 — ча денна «Ангушт» ловзаргъя арахьа дIабаха, Элистарча «Уралан» футбольни командаца.
