Россе кагирхой яхьашка хьалхале къайсар вай спортсменаша
18.02.2026 09:10
Иркутске дӏайихьача Россе яхьашка котало яьккхар вай шин спортсмена. Из хоам «Сердалога» бера мехкарча спортацарча латарах йолча федерацегара.
«18 шерга кхачанза бола 420 саг кагирхой бар малхбоален оагӏонцарча Сибре шоай низ гойташ хиннараш. Укх бетта 15-ча денгара 20-ча денга кхаччалца хургья яхь. Борза майдилгаш йоахаш белгалбаьлар Пхьилекъонгий Хьамзат (48 кг), Лаьнанаькъан ӏаьла (45 кг)», - дийцар тха газетага.
