ГӏалгӀайчен бюджете 118 млн сом хьачудера, паччахьалкхен доалахье лелаеча урхалленгара
2025 шу дӀадоладелча денз, ГӏалгӀай бюджете 118 млн сом хьачудера, паччахьалкхен доалахье лелаеча урхалленгара. Из ахча да дукхагӀча даькъе гӏишлош, лаьтташ арендах леладарах.
ГӏалгӀай Республикан Кулгалхочун, Паччахьалкхен зарбан болх лелабераша яхачох, мехка тӏаийцаб 2 300 совгӀа лаьтташ леладарах бола бартчӏоагӏам, иштта 26 - дӀа-юха лелаш доаца боахамаш арендах леладара хьакъехьа, цо шера 100 млн сом пайда бахь.
Цул совгӀа, карарча шера кхаь бетта 300 совгӀа хоам дӏабахьийтаб, декхар дӏакъовлар хьалхадоаккхаш. Арендаторша шоай декхар дӏалуш ца хилча, мехка Ӏаьдал декхарийла да судага кхайка. Хӏанз укх хана тохкаш да 91 гӀулакх, юкъара мах 35 млн сом болаш, царех 10,5 млн хьадаьккхад.
«Паччахьалкхендар - из цхьанне а доалахье яц, из да хӀара республикан вахархочунга кхоачаш дола юкъара хьал. Цудухьа тхона лоархӀаме йола ши оагӀув я: ахча дикагӀа леладар, маьхашта тӀахьожам лоаттабар, иштта декхар хьадалар», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
