Гӏалгӏайчера 200 совгӏа зӏамсаг гӏоргва эскаре амал де
Ардара бетта 1-ча дийнахьа денз, дӏаболалу Гӏалгӏайчера кагий нах эскаре тӏахьехаш бола болх, цунна чудоагӏаш да, мехкара 200 зӏамсаг эскаре тӏахьехаш хилар. Цох дийцар Гӏалгӏай Республикан Кулгалхочун, Паччахьалкхен зарбан болх лелабераша.
Амал де болхараш дӏа-юха хьожабергба тайп-тайпарча эскара доакъошка, цу юкъе да лаьттан тӏара эскар, фецара-космически низаш, цӏермашиннаькъа эскар, иштта Къаман гварде доакъош. Къаьстта терко тӏайохийтаргья профессиональни кийчонна: цхьацца болча эскархой таро хургья деша, «С» оалача водителий даькъ тӏара программа ӏомаеш.
«Дика хет, вай эскаре тӏахьехаш барашта юкъе шоай лоӏам болаш болхараш дукха болаш, из да Даьхе дукха езара дола масал, вай къаман массайолча хана а из долаш а хиннад», - аьлар Гӏалгӏайчен Кулгалхочо Келаматанаькъан Махьмуд-Ӏаьлас, ший бувзама оагӏонашка, эскаре кагий нах тӏахьеха гуйранара кампани дӏайолалуш.
