3,3 млн сом ахча хьожадергда Россеташа, ший болхлой говзал лакхъяра гӏулакха
05.05.2026 09:38
«Къилбаседа Кавказа Россетий» - «Ингушэнерго» филиала 553 болхло 2026-ча шера шоай балхацара говзал лакхъяра курсашка чакхвоалаш хургва. 3,3 млн сом ахча да цу гӏулакха хьожадергдар.
Мехка ток боаггӏача боараме хилийтара тӏехьа кхетам лакхбеш хургба болхлой эггара хьалхарча оагӏонца. Тока хьал довзар, 35-110 кВ тока лини тоаеш болх лоаттабар, моллагӏа хӏама хилча ханнахьа оарцагӏбалар да керттерча декхарех.
Иштта цар ӏомадергда лакхе болх беча хана кхерамзлен хьалаца дувзаденнараш, лозабаьрашта хьалхара гӏо дар мишта хила деза, цӏерцарча кхерамзленца дувзаденнараш. Ер шу доладелча денз, «Ингушэнерго» филиала 151 саг ва курсашка чакхваьннараш.
